2008 - тұрғын үй жылы. Және де мемлекеттік бағдарлама (Қазақстанда бюджеттік тұрғын үй салу құрылысы бағдарламасының екінші кезеңі жүзеге асырылды) бойынша да, сонымен бірге үлескерлер қаржысына да тұрғын үй құрылысын салу жүргізілді. "Үлескер" сөзі 2008-ші жылғы жаңалықтарда басқалардан жиі естіле бастады. Мұнымен қатар Қазақстанның оңтүстігінде су тасқыны болды, ал Пекинде ең қымбат Олимпиада ойындары өтті

2007 – барлығы шырқау шегіне жеткен жыл: баспана бағасы мен жаңа үй құрылысын салу құны аспандап кетті, президенттің отбасындағы қарым-қатынас шиеленісіп, ұлтшылдық көңіл-күй күшейе түсті. Бұларға қоса, Қазақстанда казиноларды арнайы аймаққа көшіріп, тізгіні оң жақта орналасқан автокөліктерді елге енгізуге тыйым салды

1999-шы жылы қазақстандықтар кедейлене түсті - теңге екі есе құнсызданып кетті, талапкерлердің көңілі пәс - кешенді тестілеудің алғашқы жылы, ал саясаткерлердің көңілі көтеріңкі - елде парламент сайлауы өткізілді. Бұған қоса Алматыда әуежай өртеніп, егінді шегіртке жалмады

98-ші жылы ел өміріне әлемдік қаржы дағдарысы әсер етті. Экономикалық жағдай бірден екі саяси шешімнің қабылдануына түрткі болды: үкіметте ауыс-түйістер жасалып, мерзімінен бұрын президент сайлауы белгіленді

1996-шы жылы қордаланған әлеуметтік-экономикалық проблемалар сыр берді: саудамен бірге елдегі базарларда рэкет те пайда болды. Қазақстан көпвекторлық сыртқы саясатының алғашқы қадамдарын жасауға кірісті, ал қарапайым халық теледидарды алданыш етті: "Хабардан" алғашқы отандық сериал - "Тоғысқан тағдырлар" фильмі көрсетіле бастады

1991,  1992, 1993 , 1994 , 1995 , 1996

1995-ші жыл Қазақстан үшін шешуі болды: республика президенттік басқару түріне ауысты, ірі кәсіпорындар жекеменшіктің қолына өтті, ал қазақстандықтар тірлік қылудың жаңа түрін - акциздік маркаларды қалай қайта жапсыруды үйренді

1991,  1992, 1993 , 1994 , 1995

1994 жылы қазақстандықтар кәсіпкерлікке ыңғайларын байқап көрді. Баюға деген ұмтылыс алғашқы пирамидалардың пайда болуына және жеке бизнес дамуына түрткі болды. Бірақ жұрттың капиталистік қоғам туралы түсінігі әлі де тұманды еді. Жеңіл жолмен ақшалы болуды көксегендер көп ұзамай түңілді

1991,  1992, 1993 , 1994

1993-ші жылы қазақстандықтар экономикалық тәжірибелердің сан толқынын өткерді. Әуелі үкімет халықты әлеуетті акционерге айналдырмақ болды: бұл үшін жұртқа купон кітапшалары таратылды, оны акцияға айырбастауға болатыны айтылды, сонан соң елде ұлттық валюта – теңге енгізіліп, ол республика тарихының жаңа парақшасын ашты

1992 жылы ел басшылығы реформалар жүргізіп, дипломатиялық қарым-қатынастар орнатты және алғашқы қайырымдылық шарасын өткізді. Ал қарапайым қазақстандықтарды бір ғана нәрсе - қалай жан сақтау керектігі толғандырды. Жалақы айлап берілмеді, беріле қалған күнде оның түкке жетпейтін. Жұмыссыздық, инфляция, индекстеу - енді бұл экономикалық терминдерді тіпті кішкентай балаға дейін білетін болды

Vox Populi Қазақстан тәуелсіздігінің 20-жылдығына арналған арнайы жобаны бастайды. Төрт апта бойы біз сіздерге осы жылдардың ішінде елдің қалай өмір сүргені туралы баяндамақпыз. 20 қиын да, қызықты да, бай жылдарды біз 20 жобаға сиғызуға тырыстық. Кейбір көріністер сіздерге даулы, ал енді біреулері - толық емес болып көрінуі мүмкін. Біздің міндетіміз - еске салу ғана.

Сонымен, 1991 жыл. Қазақстанның де-юре тәуелсіз мемлекет атанғалы бар болғаны 5 күн өтті. 26 желтоқсан 1991 жылы ССРО өмір сүруін тоқтатты. ССРО Жоғары Кеңесі қабылдаған №142-Н Декларациясы соңғы заңды құжат болды. Алайда, егеменділер шеруі деген атауға ие болған оқиғалар бұдан бір жарым жыл бұрын - 1990 жылы көктемде басталған еді. Осылайша, 91-ші жылы қазақстандықтар әрі-сәрі жағдайда болатын - егемендікті жариялап қойғанымен, толыққанды тәуелсіздік туралы шешім әлі қабылданбаған еді